દીવો થાય છે – મનીષ પરમાર

બારણામાં રોશની ફેલાય છે,
દૂર ઘરમાં દીવો થાય છે.

કેટલા રસ્તા હવે ડૂબી ગયા,
પગલુ ક્યાં અંધારનું દેખાય છે ?

હુંય તારી આંખના શબ્દો બનું,
પત્ર આજે આંસુનો સમજાય છે.

આ પવનનો હાથ સ્પર્શે ફૂલને,
એટલામાં મ્હેક વરસી જાય છે.

એ પછી વરસાદ ખાબકશે મનીષ –
જળ ભરીને વાદળો બંધાય છે.

2 responses to “દીવો થાય છે – મનીષ પરમાર

  1. “હુંય તારી આંખના શબ્દો બનું,
    પત્ર આજે આંસુનો સમજાય છે.”

    વાહ! આ હૃદયસ્પર્શી કવિતા માટે મનીષભાઈ તમને હાર્દિક અભિનંદન

  2. સુંદર ગઝલ…

    હુંય તારી આંખના શબ્દો બનું,
    પત્ર આજે આંસુનો સમજાય છે.

    આ પવનનો હાથ સ્પર્શે ફૂલને,
    એટલામાં મ્હેક વરસી જાય છે.

    -અને મજાના કલ્પન !