દશા સારી નથી હોતી – બરકત વિરાણી ‘બેફામ’

[રીડગુજરાતીને આ ટાઈપ કરી મોકલવા બદલ શ્રી અમિતભાઈ પિસાવાડીયાનો (ઉપલેટા, રાજકોટ) ખૂબ ખૂબ આભાર.]

ખુદા, તારી કસોટીની પ્રથા સારી નથી હોતી;
કે સારા હોય છે એની દશા સારી નથી હોતી.

ખૂબી તો એ કે ડૂબી જાય તો લઇ જાય છે કાંઠે,
તરો ત્યારે જ સાગરની હવા સારી નથી હોતી.

સિતારા શું કે આવે છે દિવસ રાતોય ગણવાના,
હંમેશાંની જુદાઇની દશા સારી નથી હોતી.

જગતમાં સર્વને કહેતા ફરો નહિ કે દુઆ કરજો,
ઘણાંય એવાંય છે જેની દુઆ સારી નથી હોતી.

નથી અંધકારમય રસ્તો છતાં ખોવાઇ જાયે છે,
સૂરજને પણ સફર માટે દિશા સારી નથી હોતી.

બધાં સુખનો સમય મળતાં ભરે છે દમ ગરૂરીના,
વસંત આવ્યા પછી અહીંયા હવા સારી નથી હોતી.

કબરમાં જઇને રહેશો તો ફરિશ્તાઓ ઊભા કરશે,
અહીં ‘બેફામ’ કોઇ પણ જગા સારી નથી હોતી.

4 responses to “દશા સારી નથી હોતી – બરકત વિરાણી ‘બેફામ’

  1. Gazab………………
    ખૂબી તો એ કે ડૂબી જાય તો લઇ જાય છે કાંઠે,
    તરો ત્યારે જ સાગરની હવા સારી નથી હોતી.

  2. Jagruti valani

    It is True.
    thanks a lot for such nice GAZAL.

  3. api sako to apno pyaar mangu chhu,
    hraday no hraday thi sahkar mangu chhu,
    aa to rokdo hisab chhe,
    hun kyan udhar mangu chhu…?