એની એ રાખો – નીરવ વ્યાસ

[વડોદરાના નવા યુવા ગઝલકારની રચના, જેને પ્રત્યક્ષ સાંભળવાનો લ્હાવો એક મુશાયરામાં મળ્યો. – તંત્રી ]

જરા પણ થાય ના ઓછી, મજા બસ એની એ રાખો,
ગઝલ સાથે અમારી ચાહના, બસ એની એ રાખો.

ઉમેરો એક બે પ્રકરણ ખુશીના, જીવવા માટે,
ભલે ને જિંદગીની વારતા, બસ એની એ રાખો.

બુરાઈ સામે લડવું છે, અમે બસ એટલું જાણ્યું,
અમોને હામ દો, ચાહે હવા બસ એની એ રાખો.

જરૂરી છે ઊભો રહું મારી નજરોમાં અડીખમ હું,
પછી છો આખી દુનિયાની ઘૃણા બસ એની એ રાખો.

કસોટીનો સમય છે, ને વળી એ હું ય જાણું છું,
કઠિન છે પણ તમારી આસ્થા, બસ એની એ રાખો

9 responses to “એની એ રાખો – નીરવ વ્યાસ

  1. મીના છેડા

    ઉમેરો એક બે પ્રકરણ ખુશીના, જીવવા માટે,
    ભલે ને જિંદગીની વારતા, બસ એની એ રાખો.

    વાહ!

  2. બહુ જ સુંદર પંક્તિઓ છે.
    અભિનંદન નીરવભાઇ ને.
    આભાર.

  3. Neerav is a good young friend who promises a prominent place in Gujarati Literature in the years to come. I have opportunity to hear his Gazals in ‘BudhSabha’ regularly. My good wishes to Neerav for his future.
    …….Kirtikant Purohit

  4. કઠિન છે પણ તમારી આસ્થા,બસ એની એ રાખો !

    આશા અમર છે !……… આભાર .

  5. Wah! Maza aavi gai…Bahot achhe!!

    Just stumbled upon this site while searching for something else. I will be regularly visiting/reading it.

  6. vah vah…..
    Niravbhai aapano abhar…

  7. આપની ગઝલ પરત્વે અમારી ચાહના અમે જરૂર એની એ રાખીશું… આપ પણ આપની ગઝલ-ચાહના બરકરાર રાખીને આવા અમૂલ્ય રસથાળ વારંવાર પીરસતા રહો એ જ આશા…

  8. જરૂરી છે ઊભો રહું મારી નજરોમાં અડીખમ હું,
    પછી છો આખી દુનિયાની ઘૃણા બસ એની એ રાખો.

    વાહ… સરસ… આખી જ ગઝલ ખૂબ સરસ છે.

  9. Excellent Gazal. congratulation to Nirav Viyas. Radeef also very attractiv- Rasik Meghani