મારી જ – દર્શના

[રીડગુજરાતીને આવી સુંદર રચના લખી મોકલવા બદલ શ્રી દર્શનાબહેનનો (અમેરિકા) ખૂબ ખૂબ આભાર ]

નદીના પટમાંથી
પર્વતની બખોલમાંથી
કંકર વીણતી

રેત કિનારે મહેલ ચણતી
જળના તરંગ ભાંગતી

ભીના અરીસે સંદેશ લખતી
ચપટીભર્યા રંગે અવસર સજાવતી

ઝબોળીને ક્યારેક રસાસ્વાદ આપતી
ક્યારેક રંગીલો છંટકાર
કોરા બરડાએ ક્યારેક શબ્દો આંકતિ
ક્યારેક પાંખડીની ભાત

લટમાં ગુંથાતી, ભાલને સજાવતી
મ્હેંદીના રંગે થતી લાલ
તાર રણઝણાવતી, લાડથી ઠપકારતી
ઝાલીને લઈ જતી ક્યાંક

આંગળીથી વિખુટી ન પડતી
એ બધીયે તૃષ્ણા,
મારી જ !!

4 responses to “મારી જ – દર્શના

  1. અમિત પિસાવાડિયા

    સુંદર શબ્દો છે .
    શ્રી દર્શનાબહેન તમોને મારા અભિનંદન ,
    જય શ્રી કૃષ્ણ .

  2. નીલા

    શબ્દોની સુંદર વણાટ કરી છે તમે

  3. rakesh chavda(surat)

    very nice poem with deep meaning of each line. even staying far from gujarat people like you keep gujarat sahitya live foreever. I m proud to be a gujarati. Thanx

  4. amerika ane gujarat vachche setu e a gujarati internet…One can be physically anywhere but galathuthi maathi j gujarati hovano garv chhe.