શેરોની મહેફિલ – મરીઝ

[ યાદગાર શેરોના સર્જક – ‘મરીઝ’ સાહેબના કેટલાક લોકપ્રિય શેરોનું સંકલન ]

કેવી મજાની પ્રેમની દીવાનગી હશે,
કે જ્યાં ‘મરીઝ’ જેવો સમજદાર પણ ગયો.

એના ઈશારા રમ્ય છે, પણ એનું શું કરું-
રસ્તાની જે સમજ દે અને ચાલવા ન દે !

મુજ પર સિતમ કરી ગયા મારી ગઝલના શેર,
વાંચીને એ રહે છે બીજાના ખ્યાલમાં.

એકાદ હો તો એને છુપાવી શકું, ‘મરીઝ’ !
આ પ્રેમ છે ને એના પુરાવા હજાર છે.

લેવા ગયો જો પ્રેમ તો વહેવાર પણ ગયો,
દર્શનની ઝંખના હતી, અણસાર પણ ગયો.

હું કયાં કહું છું, આપની ‘હા’ હોવી જોઈએ,
પણ ના કહો છો એમાં વ્યથા હોવી જોઈએ.

એ ‘ના’ કહીને સહેજમાં છટકી ગયાં ‘મરીઝ’,
કરવી ન જોઈતી’તી ઉતાવળ સવાલમાં.

એ દ્વાર પરના હળવા ટકોરા તો રદ ગયા,
શાયદ એ સાંભળી લે જો માથું પછાડીએ.

એ સૌથી વધુ ઉચ્ચ તબક્કો છે મિલનનો,
કહેવાનું ઘણું હો ને કશું યાદ ન આવે.

બેઠો છું તારી રાહમાં એવી નિરાંતથી,
જાણે કોઈ કહે મને તારી તમા નથી.

એક પળ એના વિના તો ચાલતું નહોતું, ‘મરીઝ’
કોણ જાણે કેમ આખી જિંદગી ચાલી ગઈ.

ફળી છે જે જે આશા, તેના મેં અંજામ જોયા છે,
હવે કાંઈ ખાસ દુ:ખ જેવું નથી થાતું નિરાશાથી.

છે તેથી મારી હરેક વાતમાં પરેશાની,
પવિત્ર દિલ દીધું, જીવન ખરાબ આપીને !

બસ, દુર્દશાનો એટલો આભાર હોય છે,
જેને મળું છું, મુજથી સમજદાર હોય છે.

હવે એની ઉપરથી આપ મારી દુ:ખ કથા સમજો,
જવાનીમાં કરું છું યાદ વીતેલી જવાનીને.

મરણ કે જીવન હો, એ બન્ને સ્થિતિમાં,
‘મરીઝ’, એક લાચારી કાયમ રહી છે.
જનાજો જશે તો જશે કાંધેકાંધે,
જીવન પણ ગયું છે સહારેસહારે.
જિંદગીના રસને પીવામાં કરો જલ્દી, ‘મરીઝ’
એક તો ઓછી મદિરા છે ને ગળતું જામ છે.

12 responses to “શેરોની મહેફિલ – મરીઝ

  1. haresh prajapati

    nice one.
    This is the glory og our gujarati language.

  2. afreen!!!

  3. thakkar dhiraj

    salaam namaste to great MARIZ

  4. suresh patel

    i think some thing motivate me to look in matrubhasha.

  5. Gr8. Mrugesh put some more shayari’s to site

  6. Jawaharlal Nanda

    WAH ! WAH ! JINDAGI NA RAS NE PIVA MA JALDI KARO ‘MARIZ’ EK TO MADIRA OCHHI CHHE ANE GALTU JAM CHHE! ! ! ADBHUT ! ! AFREEN ! ! !

    AAJ NO DIVAS SAFAL GAYO ! TABIYAT KHUSH THAYI GAYI ! !

  7. vaibhavioza

    simply beautiful….
    lovely…
    please put some more on this sectoion.
    Please put kalapi’s “

  8. vaibhavioza

    simply beautiful….
    lovely…
    please put some more on this sectoion.
    Please put kalapi’s “JYAN JYAN NAJAR MARI THARI YADI BHARI TYAN APNI”

  9. wah…..wah……….wah………
    Some more from great MARIZ

    ” BADHO AADHAR CHHE ENA JATI WELA NA JOVA PAR
    MILAN MATHI NATHI MALTA MAHABBAT NA PURAVAO”

    ” ANDHAKAR MA PAN AANKH MICHINE CHALSU MARIZ
    SHANKA VADHI JASE TO SAMARTHAN BANI JASE”

  10. In one of his recitation program (at Surat just before his death)with MARIZ, somebody’s reaction on his share ek to ochhi madira chhe ne galtu jam chhe……..

    Jindagi na jam ne zaran karavi lyo mariz!
    Aa madira nu suralay ma amare kaam chhe.

  11. great put some more of gr8 writings like this.
    aa sache j 1 ujaani 6.

  12. Mariz is simply beautiful, can we have some Barkat Virani “Befaam” please.