ઘટ ઘટમાં રહે – ભગવતીકુમાર શર્મા

જીવ, તું શું કામ નાહક તુચ્છ ખટપટમાં રહે ?
એને ઓળખ જે પળેપળ તારા ઘટઘટમાં રહે.

જીવ ને શિવ બેયના સંબંધ કૈં છાના નથી,
એક ખેપરમાં રહે અને અન્ય ઘૂંઘટમાં રહે.

હિમશિખરમો શ્વેત શીળો સાદ બોલાવે તને;
ક્યાં સુધી તું કોઈની નશ્વર અલકલટમાં રહે ?

હોય દરિયો કે નદી, બંનેની હદ નક્કી જ છે,
એક જો તટમાં રહે તો અન્ય પણ પટમાં રહે.

પ્રેય છોડી શ્રેયનું શરણું સ્વીકારી લે હવે,
શાને કાજે તું અકારણ ધર્મસંકટમાં રહે ?

Advertisements

ટિપ્પણીઓ બંધ છે.